الأربعاء , 28 أكتوبر, 2020 , 2:32 صباحًا
الرئيسية / المرأة والطفل / ‘‘‘ياستي أتهدي وأقعدي ‘‘‘
مى مجدى محررة صحفية

‘‘‘ياستي أتهدي وأقعدي ‘‘‘

كتبت : مي مجدي

ياستي اتهدي واقعدي !!! الكلمة دي آحنا كستات بنسمعها كتير….. أنتي كدا أول ما تقرري تقومي بأي عمل إنجازي هادف ناجح غير رابح للعلم…… تلاقي كتيرررر حواليكي وأولهم الست زيها زيك تقولك ياستي أتهدي وأقعدي…. شوفي عيالك وجوزك وبيتك….. وكأنك ياعيني قررتي أنك تعتزلي الحياة العملية للحياةالأسريةفقط، فإزاي كدا ياست الكل عاوزة تنشكحي وتشوفي نفسك وذاتك ،انتي ذاتك في الحلل والمطبخ وانك تتعلمي أكلة مبتكرة تبهر الأولاد وابوهم….. بلا دراسات عليا …بلا طموح بأه.. بلاشغل …بلا تحقيق ذاتك في موهبة بتحبيها..واوعي حتي تفكري في مشروع وانتي في بيتك ،مش اتجوزتي يبقي خلاص وصلتي لآخر المطاف وخليكي في البيت وحجمي عقلك كويس وتفكريك ضيقيه….. ومازالنا برغم الكثير من الاحباطات بنعافر والله…. طيب حد يشجعنا ياجدعان….. طيب كلمتين يقوا العزيمة… طيب أسمع شاطرة برافو ممتازة….. ولا هو الامتياز في أكلة جديدة وخلاص….. للأسف مهما تعملي فالأخر ياستي أتهدي وأقعدي……. واللي تقولك أعقلي وبلاش جنان ياحنان يابنتي بلا ذات بلا طموح دا العيال قتلوا أي واحدة أسمها ذات وطموح….. يالهوي كدا هتقومي تشوفي طموحك وتحققي ذاتك يبقي هتشردي عيالك أيوا ما انتي مش هتبقي فضيالهم… .. وهتفشلي بردو… وعيالك هيتبروا منك…. هو انتي متخيله أنهم يعرفوكي تاني بعد فشلك ،انا بقولك اهو وقلقتك بما فيه الكفاية فأوعي تفكري تدخلي معركة الكفاح والذات والطموح هتفشلي…. معلش أحبطك انا بدال ما يجي غيري يحبطك ويقولك اتهدي واقعدي، معظمنا بيسمع الكلام ده وبيتقالوا اكتر من كده لكن اولا عايزة اردعلي الكلام المحبط ده واقول لايا كان سواء ست زيها زيك اأو رجل أزوج مهما كان احب أقوله ان الست اللي بتربي الاولاد وقاعدة في البيت ده مش معناه انها ست فاشله او بائسه دي ت عظيمة جدا بتقول بعمل عظيم تربية الاولاد لوحدها عمل انجاز كبير انت كراجل او ست برضه متقدرش تقوم بيه لوحدك كثير من أمهاتنا ربونا وكبرونا وعلمونا مش معني ده ان الست تبقي في البيت والحلل وبس لا الست تفكيرها وعقلها اكبر بكثير ……… لكن عموما نصيحة لذيذة ليكي ياست الكل أوعي تسمعي لأي كلام يحبطك ويقلل من عزيمتك وأعرفي أن نجاحك هو نجاح لأولادك وبيتك، وإصرارك وعزيمتك وهتورثيها لأولادك من بعدك  وماما هتبقي قدوة حلوة،مش ماما سمعت كلام الناس وأتهدت وقعدت وطلعت غلها في العيال….. والعيال هتكبر وتشوف نفسها وحياتها وكل واحد مشغول بحاله وهتلاقي نفسك لوحدك… لا الناس نفعتك ولا العيال نجدتك…. وهتقولي يارتني مكنت اتهديت وقعدت ..ولا سمعت كلام اللي قالولي…….

ومهما اتكلمنا وقلنا في حق المرأة  سواء انسه او زوجه او ام الكلام كتييييييير مش بيخلص……..

انتظرونافي مقالات قادمة كثيرة في حق ست الكل ……

image_pdfimage_print

اترك تعليقك